2014 年，我和煒鈞喺bilibili度追《進擊的巨人》，動畫剛放到艾倫俾巨人咬斷腳吞咗落肚。 煒鈞同我講：艾倫肯定唔會死，以後應該會裝上機械腿繼續戰鬥…
以前有點唔敢睇《進擊的巨人》，因為畫面幾血腥，但系入邊嘅情節設定真系好吸引我， 比如話：“立體機動裝置”、“自由兵團”、“奇行種“等等，我每個星期返屋企都忍唔住要睇一集《進擊的巨人》。
當時追番嘅平台有好多，但系你問我邊個用得最舒服，甘一定系 bilibili，對於啱啱入宅嘅我，b 站簡直就系二次元天堂。 有趣嘅彈幕、豐富嘅資源,仲有無廣告、一點即睇正到爆嘅體驗，陪我消磨咗好多無聊時間。
不過，依家 B 站唔系以前嘅 B 站了，以前音樂區排行榜經常見得到嘅 VOCALOID 詞曲，依家已經冇了， 同 VOCALOID 一樣淡出 B 站嘅仲有鬼畜，甘多年過去，B 站已經變成官方認為最多年輕人瀏覽嘅社區，鬼畜昵種“唔健康”嘅野，就限流啦。 令我最接受唔度嘅系，B 站居然連睇番嘅體驗都保證唔度，唔單指番劇更新進度落後，仲有畫面和諧， 有時我都懷疑，中國人就甘容易俾動漫入邊嘅某些情節影響帶壞？事業線都要 P 塊布上去遮住？
依家可以喺 B 站仲系可以睇到好多，例如話：谷愛淩冬奧奪冠、一眼丁真介紹家鄉、塞雷話金抓漢奸、美國疫情水深火熱， 還有共青團中央嘅主旋律宣傳，上面講嘅內容，其實我並唔反感，但系我覺得昵 D 內容唔應該喺 B 站；我記憶中嘅 B 站， 就系一個簡簡單單睇番嘅小眾網站，簡單但有趣。
《進擊的巨人》喺舊年迎來咗結局，艾倫最終化身進擊的巨人踏平世界，在矛盾無辦法消解嘅情況下，踩死全世界百分之八十嘅人， 我非常中意呢個有點頹的結局，現實世界無解的問題，去到動漫裏亦一樣無解，唔知煒鈞睇咗結局未。